Flott oppmøte med 44+2 deltakarar i kveld. Fint treningsvêr, ikkje for varmt, lett overskya. Fin, forventnigsfull stemning før start, mange glade og brune ansikt etter sommarferien,-kjekt! To nye: Josefine og Gunvor,- velkomne tilbake etter sterk debut!

Tøff økt i kveld med absolutt hovudvekt på uthald. Først lett oppvarming, så pyramideintervall i Aall-løypa. 2min, 3min, 4min, 5min, 4min, 3min, 2min. 2 minutts pause mellom tredje og fjerde, og femte og sjette draget, ellers 1min pause. Det var eit par som «fekk det litt» undervegs i dag, men: «den som intet våger, intet vinner!».

Utan å tape tid gjekk vi rett over til uthaldande styrkesirkel på parkeringsplassen, to sett med fem øvingar, 30 sekund per øving. Vi rakk to runder på første sett og ei runde på andre sett, før vi avslutta i ring, som alltid!

Kristin S fekk eit overtråkk, men vi vonar det gjekk bra. TIL ALLE: -Hugs: Pressure-Rest-Ice-Elevasion («PRICE»)! På betre norsk: kompresjon på skadestaden, kvile, is og heve skadestaden over hjartehøgde. Tiltaka har som føremål å stogge evt. blødning, redusere hevelse, smerte og inflamasjon (betennelsesreaksjon etter vevstraume). I alvorlege tilfelle kan behandlinga med fordel gjennomførast over eit heilt døgn. Kontakt gjerne underteikna ved spørsmål. Trine gjekk også ut då ho kjente ein skade ho fekk i kneet i helga. God betring begge to!

Velkomne til NMT på Torsdag under leiing av Tord-Arve og Erik, og ikkje gløym NMT-Marsjen på søndag :-)) Les meir om marsjen her på nmtraining.no.

Treningshelsing frå Erlend & Øyvind